2017年1月9日 星期一

三地駕駛經驗談


最近在因緣際會之下,得以係一星期之內係日本,香港,中國三地都揸過私家車,所以特地寫一篇blog紀念一下。












日本篇


原本打算係九州橫斷(特HEA K-car版), 點知一上車......車載GPS就顯示會好夜先到溫泉酒店, 結果提早係朝倉IC就衝上大分自動車道, 不得不提Google地圖係日本計算時間樂觀得好過份, 即使今次車程95%都係速限以上都無辦法追到時間.....結果係朝倉IC附近一間7-11停車場重新setup GPS+買野飲再出發 😓

講返車本身, 雖然呢架Subaru叫 Stella(以2016款齋版計, 連稅都只係 110萬円多啲), 不過真身都係大發MOVE (哈!哈!哈!), 方便在尾門係側開式, 性能諸元就係660cc  NA引擎+CVT波箱, 仲有Smart Idling技術添! 翻譯返做人話就係一個字: 悶
雖則車本身悶係悶D, 不過係高速去到110都仲定過抬油(對! 速限係70, 不過連巴士都遠不止呢個數字), 係引擎聲大左少少, 真係少少姐
錶板簡約到除左一定要有嘅燈號就係得返油錶同車速計, 連轉數錶都cut埋
唯一小小投訴就係hand carry嘅旅行袋都要先將後排推倒先放到, 所以最多係兩個大人先好租K-car呀
最後係還車點附近入油入左15L 油還車

至於公路, 真係無得輸, 日本兩條行車線絕對夠砌低香港四條行車線! 點解? 因為無快相位囉! 因為得好少高速公路有警察無無聊聊捉超速囉! 揸左一條靠山一條靠海嘅路線先遇到一架隱形戰車咋, 一個快相位都見唔到! 係一個快相位都無! 大家快快趣趣行完就算.
而係日本真係大家都好守規矩咁超速(哈), 好守規矩咁只行走行車道, 真係扒頭過車先會有車係追越車道出現, 無人長期霸住.

香港篇

一直都係用屋企架Prius仔, 性能從來唔係Prius強項, 而係停車自動熄引擎仲可以嘆冷氣. 如果香港版可以追加返通風椅就完美.

至於嗰晚係機場出返市區就慘慘, 一路俾🐢車阻路兼俾人射盲對眼. 垃圾正苦只係識捉人醉駕同超速, 一樣危害駕駛安全嘅無人捉, 其一係塞快線, 其二係無調校過燈影嘅 HID/LED 或者索性沿路開高燈...我盲啦......

仲有垃圾Autotoll 收皮啦, 全世界係道路電子收費都係有折, 得香港無折都算仲要另外交月費.

中國篇


再過多一日就係廣州市租架車去左中山附近hea下, 車款就係Skoda Fabia 嘅五門揭背車仔, size比Stella 大小小, 不過引擎就大好多, 是為1400cc NA + 5AT波箱, 勝在夠晒平, 租48小時都只係百幾蚊人仔, 貴係貴係保險嗰D 度咁囉.

一上到馬路你就感受到什麼叫規矩 -- 有監控就規矩, 無人睇就亂黎. 當你架車係最右線仲有車可以係右線插入黎, 係同向車道可以見到有車頭燈射埋黎, 而從後用高燈射爆你呢D絕對唔少得啦! 仲未完! 頭頂仲有龍門架一行過唔理你有無超速都影你相+閃盲你!

沒有留言:

三地駕駛經驗談

最近在因緣際會之下,得以係一星期之內係日本,香港,中國三地都揸過私家車,所以特地寫一篇blog紀念一下。 日本篇 原本打算係九州橫斷(特HEA K-car版), 點知一上車......車載GPS就顯示會好夜先到溫泉酒店, 結果提早係朝倉IC就衝上...